Grønlandsk Dansk English Chinese Italian Deutsch

Nunatta pissarititai


Aasakkut Hotel Arcticimi ullut tamaasa nunatta pissarititaanik kusanarnerpaamik sassaalliuteqartoqartarpoq. Sapinngisamik nunap tunniussinnaasai aallaaviginiartarpagut suullu tamaasa nammineq sananiartarlutigit. Umimmaat, tuttut, qaleralllit, ukallit, aqissit, qeeqqat, raajat, uillut, eqqusat, suluppaakkat allarpassuillu atortarpagut. Naasut akuutissat nammineq qaqqami aasarpagut: Seernaasat, quperluusap naanii, seernat, ulannerusat, islandimiut guldkarsiat, qaqortuaraq, sisamaliaq (knudefirling) allarpassuillu.

Qallunaatsiaat naatitsiviinit
Aasaanerani Nuup kangerluani Ameralimmi qallunaatsiaat naatitsivigisimasaanni naatitat atortarpagut – ilaatigut uanitsut, kuuloruujut, grønkålit, naatsiiat, broccolit ruuallu. Naatitsiviusartoq qallunaatsiaat Vesterbygdenimik taasarsimavaat. Aammattaaq nunap sinneranit atugassatsinnik pisarpugut, assersuutigalugu ukioq manna Kujataani Upernaviarsummiit jordbærinik peqqissinnaassalluta neriuppugut.

Peqarfiullu avataatigut iggavitsinni sapinngisamik nunatta pissarititaanik atuilluarniartarpugut: Ukiukkut  nammineq qullukkiortarpugut atugassatsinnik. 2011-miilli umimmaap neqaanik ukiumi panertitsineq misiligarsimavarput – tassa Serranoskinketulli pitsaatigisumik skinkeliornissaq anguniagaraarput. Nillataartitsivigut kuanninik ruuanillu simeersianik ulikkaarput, qerititsivigullu paarnanik, kigutaarnanik, qajaasanik tupaarnanillu imaqarput. Panertuusivitsinniipput qaqqani katersagut – kuannit pilutaat paarnaqutillu allarpassuillu. Qeqqussat Diskobugtimeersut salatinut atortarpagut, tassa akuutissatut sequtserlugit, emulsioninut, suppanut allanullu atugassat.

Qalerallit pujuukkat ulluinnarni ullaakkorsiornermi sassaalliutigisartakkavut tarajorterlugit nammineq pujoorivitsinni pujoortarpagut. Ullaakkorsiutinuttaaq igutsaap sukkua kujataaneersoq ilaasarpoq.

Nersornaatit igasullu igallaqqinneqqusaanneri
Ukiuni kingulliunerusuni Hotel Arctic nunatta pissarititaanik atuilluni iggarinnermigut arlalinnik nersornaatisisarsimavoq.  Siornaakkunni nersornaat piumaneqartaqisoq Ny Nordisk Madpris, nunani avannarlerni tamani neriniartarfimmut, suliffeqarfimmut inummulluunniit tunniunneqartartoq pissarsiarivarput. 2013-milu Brugsenip nunatta pissarititaanik atuilluartumut nersornaat tunniuttagaa pissarsiarivarput.

Iggavimmi pisortarput, Jeppe Ejvind Nielsen, kisiartaalluni kalaallit iggarinneqqusaanneranni pingasoriarluni ajugaasimavoq – tassa 2006-mi, 2007-mi aamma 2008-mi. Ukiunilu tulliuttuni marlunni, 2009-mi 2010-milu igasoq Inunnguaq Hegelund, Hotel Arcticimi atorfeqartoq ajugaavoq.

Uani nunatta pissarititaanik atuilluta  iggavitsinni suli ineriartortitsiuarnerput pillugu atuarsinnaavutit:
Nerisassanut viinninullu atuagassiami (Gastro-mi allaatigisaq)
Iggavitsinni isumaq tunngavigisarput suleriaaserpullu pillugu

To kokke i Restaurant Ulo på Hotel Arctic

Tjener i Restaurant Ulo på Hotel Arctic

Travlhed i køkkenet på Hotel Arctic


Aqqutit

Anbefalet på
 
Find more about Weather in Ilulissat, GL
Click for weather forecast
Instagram