Grønlandsk Dansk English Chinese Italian Deutsch

Nunatsinneersunik atorluaaneq


Inuusuttunik ilinniartitsineq

Hotel Arctic-imi pingaartipparput inuusuttut hotelini ilinniartuunissaannut sapinngisamik amerlanerpaanik periarfissiinissaq, soorlu igasutut, saqisutut saaffiginnittarfimmiluunniit sulisutut. Ukiut arlallit ingerlanerini Ilulissaneersut inuusuttut pikkorissut amerlasuut ilinniartuutigisartakkagut naammassipput. Ilinniarnerminnullu atatillugu atuagarsorfinni nersornaatisisartut arlaqarput.

2012-imi 2013-milu ukiuunerani inuusuttut arfinillit igasutut, saqisutut saaffiginnittarfimmiutullu qallunaat nunaanni naammassinerini pilluaqqussavagut. Inuusuttut allat 12-it maannakkut Hotel Arcticimi ilinniartuupput.

Ilinniagaqarnerit nalinginnaasumik ukiunik pingasunik sisamanilluunniit sivisussuseqartut hotelimi sungiusarnermik aammalu Kujataani Narsami aamma Danmarkimi Aalborg-imi atugarsornermik imaqartarput. Aamma inuusuttunut allaffissornermik ilinniagalinnut qaammatini pingasuni suliffimmi sungiusarfiusarpugut.

Suliffiit iluliarmiut atorfii 60-it

Ukioq kaajallallugu Hotel Arctic 60-it missaannik sulisoqartarpoq. Ulapaarfiunerpaamilu 70-it angusarpaat. Hotelilumi – takornariaqarnermik sullissutulli allatut – illoqarfimmi suliffeqarfiit pingaaruteqarluartut ilagaat.

Kalaallit Nunaanni sulisartut kattuffiata - SIK-p - Hotel Arctic-ip pisortaa Erik Bjerregaard-2013-mi pisortanut nersornaammik tunivaa ima oqaasertalerlugu, ”nunaqavissut ilinniagaqarlutillu pikkorissarnissaannut kajumissaartuarpatit, tamannalu pineqartunuinnaanngitsoq Kalaallit Nunaatalu  tamakkiisumik ineriartortuarnissaanut iluaqutaavoq”. Una takujuk

Innuttaaqataasut
Ilulissani Hotel Arctic allat peqatigalugit pimoorussilluni meeqqat atuarfianni atuartut angajulliit Foreningen Grønlandske Børn suleqatigalugu suliniuteqartarpoq. Siunertaalluni atuartut suliffeqalernissaannut ilinniaqqinniissaannulluunniit oqilisaaqataanissaq. Suliniut taaguuteqarpoq ”Sapiik”, tassa aallartitsinissamut sapiissuseqalernissaq. Ukiullu ingerlanerani atuartut arlalissuit sap.ak. marlussuit suliffinnik misiliisut uagutsiniittarput.

Ukiut tamaasa juullip nalaani illoqarfimmi utoqqaat illuani najugallit juullerpalaarnissamut aliikkusersuinermullu Hotel Arcticimit qaaqquneqartarput.
Nyuddannet tjener og kok på Hotel Arctic

Julehygge på Hotel Arctic for byens alderdomshjem

Hotel Arctic receptionister
Aqqutit

Se Hotel Arctic 360 grader
 
Find more about Weather in Ilulissat, GL
Click for weather forecast
Instagram