Grønlandsk Dansk English Chinese Italian Deutsch

Hotel Arcticimi ilinniagaqartitsineq


Hotel Arcticimi igasut, saqisut, saaffiginnittarfimmi sulisut, allaffimmiut kiisalu saaffiginnittarfimmi aamma takornarialerinermi sulisut ilinniagaqartittarpagut. Tamakkua saniatigut inuusuttunut serviceøkonominngorniartunut suliffimmik misiliisussanut qaammatini pingasuni misiliisuunissaq neqeroorutigisarparput. Hotelimi ilinniartut arfineq-pingasut 12-llu akornanniittarput.

Ilinniakkanut tigutikkusukkuit Narsami Inuussutissalerinermut ilinniarfimmut Inuilimut qinnuteqassaatit. Aatsaallu Inuilimit akueritereeruit Hotel Arcticimi misiliisussatut qinnuteqarsinnaavutit.

Igasoq
Ilinniagaq ukiunik sisamanik qaammatinillu sisamanik sivisussuseqarpoq, misiliinermillu tallimariarlunilu atuarfimmiinnermik imaqarluni. Atuarfimmiinnerit pingasut siulliit Inuilimiittarput kingulliillu marluk Aalborgimi Food Collegemiittarlutik.

Ilinniakkamut piumasaqaatit imarisaalu pillugit Inuilip nittartagaani annertunerusumik paasisaqarit.

Saqisoq
Ilinniagaq ukiunik pingasunik qaammatinillu sisamanik sivisussuseqarpoq. Ilinniagaq misiliinernik sisamariarlunilu sapaatip akunnerinik qulinik sivisussuseqartunik atuarfimmiinnernik imaqarpoq, siulliit marluk Inuilimi kingulliillu marluk Aalborgimi Food Collegemi.

Ilinniakkamut piumasaqaatit imarisaalu pillugit Inuilip nittartagaani annertunerusumik paasisaqarit.

Saaffiginnittarfimmioq
Ilinniagaq ukiunik marlunnik qaammatinillu sisamanik sivisussuseqarpoq. Ilinniagaq misiliinernik atuarfimmiinnernillu imaqarpoq , siulliit marluk Inuilimi kingulliillu pingasut  sapaatip akunnerinik qulinik sivisussuseqartut Aalborgimi Food Collegemi.

Ilinniakkamut piumasaqaatit imarisaalu pillugit Inuilip nittartagaani annertunerusumik paasisaqarit.

Saaffiginnittarfimmioq takornarialerisorlu
Ilinniagaq ukiunik marlunnik qaammatinillu arfinilinnik sivisussuseqarpoq. Ilinniagaq misiliinernik atuarfimmiinnernillu imaqarpoq Inuilimi Qaqortumilu Niuernermik Ilinniarfimmi pisarluni.

Ilinniakkamut piumasaqaatit imarisaalu pillugit Inuilip nittartagaani annertunerusumik paasisaqarit.

Allaffimmioq
Ilinniagaq ukiunik sisamanik sivisussuseqarpoq, misiliinernik Nuummilu imaluunniit Qaqortumi Niuernermut Ilinniarfinni atuarfimmiinnernik imaqarluni. Hotel Arcticimi ataatsimik ilinniartitsisinnaavugut, taamaattumillu ukiut sisamakkaarlugit ataatsimik ilinniartoqalertarpugut.

Ilinniakkamut piumasaqaatit imarisaalu pillugit Nuummi Niuernermik Ilinniarfiup  nittartagaani annertunerusumik paasisaqarit:
TNI Tunngaviusoq (Basis)
TNI 18

Aamma atuaruk:
Hotel Arctricip pisortaa sulisartoqarnermi kattuffimmiit nersornaaserneqarpoq.
Tjener i Restaurant Ulo på Hotel Arctic



To kokke ved BQ-aften på Hotel Arctic's terrase
Aqqutit

 
Find more about Weather in Ilulissat, GL
Click for weather forecast
Instagram